Литва кыргызстандык айдоочуларга кызыгып жатат. Бул тууралуу Бишкекте өтүп жаткан кыргыз-литва бизнес форумунун жүрүшүндө белгилүү болду.
Литванын инновация жана транспорт саясаты боюнча катчысы Андриус Бурба кызыгуусун билдирди.
Анын айтымында, Европада бүгүнкү күндө жарым миллионго жакын, ал эми дүйнө жүзү боюнча 22 миллион айдоочу бар.
«Айдоочуларга болгон муктаждык сакталып калат. Сиздер жаш өлкө катары кадрларды өстүрүү үчүн көбүрөөк мүмкүнчүлүктөр бар. Тилекке каршы, биз Европа мамлекеттери катары карып баратабыз. Бизде бул аймакка келген жаштар азайып баратат. Бул оор жумуш экенин түшүнөбүз, бирок ошого карабастан биздин айдоочулар айына 2-3 миң евро алышат. Бул Литва жана башка бир катар Европа өлкөлөрү үчүн нормалдуу айлык», — деди ал.
Бурба ассоциация катары мындай адистерди даярдоого жардам берүүгө кызыкдар экенин белгиледи: тажрыйба алмашуу, билим берүү программаларында жардам көрсөтүү, индикатордук симуляторлор, программалар ж.б.
«Сиздердин рынокто же Орусияда кандай иштейсиз, бул бир нерсе, бирок ЕБде эрежелер такыр башкача. Айдоочу билимдүү болуш керек, биз бул кесипти престиждүү кылгыбыз келет», — деп кошумчалады ал.