Лондондун Жогорку соту 8-апрелде “булагы аныкталбаган байлыкка алынган үч кыймылсыз мүлккө” берилген ордерлерди жокко чыгарды. Бул үч кымбат үйдүн биринде Казакстандын мурдагы президенти Нурсултан Назарбаевдин небереси Нурали Алиев жашайт.
Буга чейин Кылмыштуулук менен күрөшүү агенттиги мыйзамсыз жол менен табылган капиталдарга каршы күрөшүү компаниясынын алкагында Назарбаевдин жээнине таандык мүлктү камакка алган. Жалпы мүлк 80 миллион фунт стерлингди түзөт (104 миллион доллардын айланасында).
Лондондун Жогорку соту үч ордерди тең жокко чыгарды. Соттун токтомунда далилдер жетишсиз экенин айтылган.
Кылмыштуулук менен күрөшүү агенттиги Лондондогу эки хансарай жана бир батир Нуралинин атасы жана Дарига Назарбаеванын мурдагы күйөөсү, маркум Рахат Алиевдин “мыйзамсыз жол менен тапкан каражатына алынганын” тастыктаганга аракет жасаган. Бирок сот офшордук компанияны Алиев ачып, мүлктөрдү сатып берген деген жүйөлөргө ынанган эмес.
Соттун чечиминде каржы булагы “экономикалык жактан көз карандысыз” Дарига Назарбаева болушу мүмкүн экени айтылган.