Кадырбеков: Самара Каримова өзү кызматтан баш тартсын деп аракет кылдык
Ырчы Самара Каримованын Ош шаарындагы Ниязаалы атындагы музыкалык окуу жайдын директорлук кызматынан экинчи жолу чуулу кетүүсү тууралуу маданият маалымат жана туризм министри Нуржигит Кадырбеков үн катты.
Ал аталган маселе тез жана жакшылык менен чечилгенин айтты.
Ошондой эле бул маселени тез жана биротоло чечүүнү көздөп Самара Каримова өзү кызматтан баш тартсын деп аракет кылып, бул өз натыйжасын бергенин билдирген.
Самара Каримованын ордуна барган жаңы жетекчи үч айлык сыноо мөөнөтү менен дайындалганын да кошумчалаган.
