«Мадина» базарынын кожоюну Турсунтай Салимовдун бөгөт чарасы өзгөрүүсүз калды. Бул тууралуу Биринчи май райондук сотунан билдиришти.
Маалыматка караганда, ал 4-февралга чейин УКМКнын тергөө абагында болот.
Белгилей кетсек, Турсунтай Салимов уюшкан топ түзүү же ага катышууга шектелип 7-октябрда кармалган.
Анын маркум кримтөбөл Камчыбек Көлбаевдин кудасы экендиги айтылып келет.
67 жаштагы Салимов Жогорку Кеңештин 5-чакырылышынын депутаты, “Мадина” базарын ал 1990-жылдардын башында түптөгөн.
Биздин Телеграм каналга катталыңыз