Саламаттыкты сактоо жана социалдык өнүгүү министрлиги алдыдагы май майрамдарындагы эс алуу күндөрү тууралуу маалымдады.
Эмгек кодексинде жумуш эмес майрам күндөрү белгиленген:
1-Май — Эмгек майрамы;
5-май — Кыргыз Республикасынын Конституция күнү;
9-май — Жеңиш күнү.
Быйыл 1-май дем алыш күнгө туш келгендиктен анын ордуна кыргызстандыктар 3-майда эс алышмак, бирок ал эс алуу күнү өкмөттүн токтому менен 8-январга которулуп калган.
Ошентип, 3-май жумуш күнү, 5-май жана 9-май — эс алуу күнү болот. Жеңиш күнү жекшембиге туш келгендиктен 10-май дагы эс алуу болот. Мындан тышкары Орозо айт дагы 12-майга же 13-майга туура келет. Аны Муфтият айдын жаңырышына жараша аныктайт.