Жалал-Абаддын Майлуу-Суу шаарында сүйлөшкөн кызын урган жаран кармалды. Бул тууралуу облустук милициядан билдиришти.
Маалыматка караганда, шаардык милицияга 42 жаштагы аял арыз менен кайрылган. Ал арызында билдиргендей, быйыл 20-февралга караган түнү сүйлөшүп жүргөн жигити уруп денесине залал келтирген.
Бул окуя боюнча Кылмыш-жаза кодексинин 138-беренеси (Уруп-сабап кыйноо) боюнча кылмыш иши козголгон.
Ыкчам-иликтөө иштеринин натыйжасында кылмышка шектүү катары Токтогул районунун 32 жаштагы К.А. аттуу тургуну кармалган. Ал Токтогул районунан кармалып келип, убактылуу кармоочу жайга камакка алынган.
Учурда тергөө иштери жүрүп жатат.
Биздин Телеграм каналга катталыңыз