Активист Максат Касенов 30-октябрга чейин камакка алынды. Бул тууралуу Бишкектин Биринчи май райондук сотунун басма сөз кызматы билдирди.
Маалыматка ылайык, анын бөгөт чарасын 2-октябрда аталган райондук сот караган. Ал Жаза аткаруу мамлекеттик кызматынын №50 тергөө изоляторуна камакка алынат. Аталган жайда өтө оор кылмыш жасагандар кармалат.
Активист Максат Касенов киши өлтүрүүгө шектелип, 1-октябрда милиция кызматкерлери тарабынан Каракол шаарында кармалып, сотко чейинки тергөө иштерин жүргүзүү үчүн Ички иштер министрлигинин имаратына алынып келинген.