Эмиль Такырбашев «Кыргыз Республикасынын Мамлекеттик өнүктүрүү банкы» АККтын төрагасы кызматына дайындалды. Бул тууралуу аталган мекеменин маалымат кызматы кабарлады.
Маалыматта айтылгандай, мындай чечимди Директорлор кеңеши 30-апрелинде кабыл алган.
Эмиль Такырбашев финансы-банк тармагында 25 жылдык тажрыйбасы бар. Эл аралык экономикалык мамилелер жана бухгалтердик эсеп жана аудит адистиктери боюнча жогорку экономикалык билим алган. KSFC жана РСК Банкта иштеген. 14 жылдан ашык микрокредиттик жана лизингдик компанияларды жетектеген. Бир катар эл аралык долбоорлордо эксперт жана консультант болуп иштеген. Эл аралык өнүктүрүү фонддорунда 5 жылдык тажрыйбасы бар. Финансы, казыналык операциялар жана кредиттөө жаатында билимге жана практикалык тажрыйбага ээ.