«Манас» аэропортунда алтындан жасалган зер буюмдарды аткезчилик жол менен алып өтүүгө аракет кылган аял кармалды. Бул тууралуу Мамлекеттик бажы кызматынан билдиришти.
Маалым болгондой, кармалган аял Стамбулдан учуп келген. Ал чынжыр, билерик сыяктуу алтын зер буюмдарды кийиминин ичине катып, алып өтүүгө аракет кылган. Салмагы 373,10 грамм болгон жалпы 24 зер буюм алынган. Анын орточо баасы 1 млн 905 миң сомду түзөт.
Аталган факт каттоого алынып, материалдар Башкы прокуратурага өткөрүлүп берилди.