Бишкек шаарынын административдик сотунда «Альянс» партиясынын Борбордук шайлоо комиссиясына каршы арызы каралып, аны канааттандырды.
Жогорку соттун басма сөз кызматы «Альянстын» доо арызы канааттандырылып, БШКнын тиешелүү токтому мыйзамсыз деген негизде жокко чыгарылганын ырастады. БШК чечим тууралуу комментарий бере элек.
Боршайком 15-декабрда партиялык тизмедеги аялдардын квотасы боюнча жобого өзгөртүү киргизген. Натыйжада парламенттик шайлоого «Альянс» партиясынан катышкан талапкер Жанар Акаевдин ордуна Токтобүбү Оргалчага мандат бериле турган болгон. Бул боюнча Жанар Акаев Бишкек шаардык административдик сотуна даттанган.