24-25-апрелде Бишкек шаарында саламаттыкты сактоо тармагындагы бош орундардын жарманкеси өтөт. Бул тууралуу Саламаттык сактоо министрлиги жарыялады.
- 24-апрелде жарманке С.Данияров атындагы Кыргыз мамлекеттик кайра даярдоо жана квалификацияны жогорулатуу медициналык институтунда өтөт. Дареги: Бишкек шаары, Бөкөнбаев көчөсү 144а.
- 25-апрелде жарманке Ахунбаев атындагы Кыргыз мамлекеттик медициналык академиясынын имаратында өтөт. Дареги: Ахунбаева көчөсү 92. Башталышы: 9:00.
Иш-чаранын максаты — медициналык мекемелерди кадрлар менен камсыз кылууга көмөктөшүү жана жаш адистерди иш менен камсыз кылуу. Иш-чарага катышуу акысыз.