Кыргызстандык балбан кыз Мээрим Жуманазарова 68 килограмм салмакта Азия чемпиону атыкты. Турнир бүгүн, 15-апрелде Алматы шаарында өттү.
Ал кыз-келиндер арасындагы мелдештин 68 килограмм салмагынын финалында моңголиялык Делгермаа Енкшайханды утту.
Ал эми Айпери Медет кызы (76кг) күмүш байге жеңсе, Нураида Анаркулова (59кг) коло мөөрөй утту.
Белгилей кетсек, буга чейин Мээрим Жуманазарова жана Айпери Медет кызы Токиодо өтүүчү жайкы Олимп оюндарына баруу үчүн жолдомо утуп алышкан.