MegaCom мамлекеттик уюлдук байланыш операторунун абоненттери үчүн сонун жаңылык, эми заманбап санарип ыкмаларын колдонуу менен төлөмдөрдү онлайн жүргүзө аласыздар. Мындан ары, MegaPay тиркемесине Кыргыз Республикасынын банктары аркылуу эмиттелген Visa же «Элкарт» карталарын байлап, алар менен 600дөн ашуун кызматтар жана сервистер үчүн төлөм аткара аласыздар.
Картаны MegaPay тиркемесине байлоо оңой жана жөнөкөй!
Бул үчүн:
- тиркемени Google Playже App Store’дон жүктөп же жаңылаңыз;
- «Менин карталарым» бөлүмүнө кириңиз;
- мындан соң, «Карта Visa» же «Карта Элкартты» тандаңыз;
- банктык картанын керектүү маалыматтарын киргизип «Кошуу» баскычын басып тастыктаңыз;
- сиздин картаңыз байланган телефон номериңизге жиберилген сыр сөздү киргизиңиз (сыр сөз жазылган SMS билдирүү Visa картасын байлаган абоненттерге гана барат);
- картаны байлоону тастыктаңыз.
Даяр!
Visa жана «Элкарт» карталары менен төлөм аткаруунун комиссиясы төлөмдүн 1 пайызын түзөт (ПЦР-тест, Жол кыймылынын эрежелерин бузган үчүн айып пул төлөө ж.б.у.с. MegaPay тиркемесинин кардардык комиссиясы бар айрым кызматтар жана сервистердин комиссияларын кошпогондо).
Жаңы функционал абоненттерге MegaPay тиркемесинде жеткиликтүү болгон жүздөгөн сервистер жана кызматтар үчүн эсеп-карталары менен төлөм жүргүзүп, убакытты үнөмдөө мүмкүнчүлүгүн түзөт.
* Visa же «Элкартты» туташтыруу үчүн картада интернет-төлөмдөр ачык болушу керек.
MegaPay – сиздин ишенимдүү жардамчыңыз!