Мексиканын Сакатекас штатындагы түрмөдө болгон башаламандыктан 16 адам каза болду. Бул тууралуу чет элдик басылмалар жазып чыкты.
Маалыматка караганда, окуя 1-январь күнү жергиликтүү убакыт боюнча саат 14:30да болгон.
Тополоңдон 15 адам окуя болгон жерде каза болгон. 6 адам ар кандай жаракаттарды алып оруканага жеткирилген. Алардын бири бейтапканада көз жумган.
Учурда полиция окуянын чоо-жайын иликтеп жатканы айтылат.
Белгилей кетсек Мексика түрмөлөрүндө адам өмүрүн алган башаламандыктар байма-бай катталып турат. Маселен, 2016- жылы «Топо-Чико» түрмөсүндөгү тополоңдон 50гө жакын адам каза болгон.