Кыргызстандын беш облусунда мектеп директорлорун тандоо сынагынын жеңүүчүлөрү аныкталды. Бул тууралуу Билим берүү жана илим министрлигинин басма сөз кызматы билдирди.
Маалыматка караганда, сынак Баткен, Нарын, Талас, Ысык-Көл, Жалал-Абад облустарында өттү.
Баткен облусу боюнча тестирлөөгө 34 талапкер катышып, анын ичинен 5 адам (60%) босого балл же андан жогору алды. Жыйынтыгында 4 талапкер жеңүүчү деп табылды.
Жалал-Абад облусу боюнча тестирлөөгө 58 талапкер катышты. Анын ичинен 14 адам босого баллдан өтүп, жеңүүчү аталды.
Талас облусу боюнча жалпы тестирлөөгө 6 талапкер катышып, 3 адам босого пайыздык чектен өттү. Жыйынтыгында 1 талапкер жеңүүчү болду.
Нарын облусу боюнча тестирлөөгө 16 талапкер катышып, 13 адам 60% босого баллдан өттү. Андан 6 адам жеңүүчү аталды.
Ысык-Көл облусу боюнча тестирлөөгө 14 талапкер катышып, 5 адам босого балл же андан жогору упай алды. Жыйынтыгында 4 адам жеңүүчү аталды.
Белгилей кетсек, Жалал-Абадда – 67, Баткенде – 27, Ысык-Көл облусунда – 8, Нарын облусунда – 7, Талас облусунда – 4 ваканттык орун бар болчу.
Биздин Телеграм каналыбызга катталыңыз