Сууктун түшүшү менен Бишкекте көмүрдүн баасы кымбаттайт. Мындан улам аны алдын ала сатып алуу керек. Бул тууралуу Бишкек шаарынын мэри Айбек Жунушалиев бүгүн маалымат жыйынында билдирди.
«Биз Монополияга каршы кызматка баалардын жасалма түрдө жогорулашы бар же жогун текшерүүнү тапшырдык. Биз рейддерди уюштурабыз. Биз базаларды жана стационардык пункттарды текшеребиз», — деди ал.
Жыйында мэр шаар бийлигинин күз-кыш мезгилине даярдыгы тууралуу да айтып берди. Анын айтымында, учурда 66 откана даяр. Анын ичинен 23ү газ, 21и көмүр, 11и электр энергиясы жана 11и биргелешип иштейт.
«Шаарга жылуулук бериле баштады. Бүгүнкү күндө 80 ооруканадан 50 оорукана, 83төн 60 мектеп, 71 мектепке чейинки мекемелер жана 2600дөн 1900 үй жылытууга туташты», — деди мэр.