Бишкек шаарынын мэриясы Орто-Сай базары тараптагы Сүйөркулов 16/1 дарегинде жайгашкан имараттан чыгарылган жарандардын маселесин дагы эле чече элек. Бул тууралуу бүгүн Жогорку Кеңештин жыйынында айтылды.
Депутат Айбек Маткеримовдун билдирүүсүндө, 11 үй-бүлө эч кандай турак жай алган эмес.
«11 үй-бүлө балдары менен ар жакта жашап жатышат экен. Азыр мына парламенттин алдында турат. Мамлекеттик ипотекалык компаниядан үй берилгени дагы жалган дешти», — дейт ал.
Эскерте кетсек, жогоруда аталган даректе жайгашкан көп кабаттуу үйдүн 60 тургуну 1-мартта жашаган жеринен чыгарылган.
Мэриянын маалыматында, ал имарат көп кабаттуу үй эмес, жумуш кеңсе катары салынган.
Депутат: Мэр жарандарды үйдөн кубалап чыкканга чейин барбаш керек болчу
Биздин Телеграм каналга катталыңыз