Бишкектин Октябрь райондук милициясы Жал кичи районунда эркек кишинин жансыз денеси табылганын билдирип, анын аты-жөнүн тактоого жардам сурайт. Бул тууралуу райондук милициядан билдиришти.
Маалыматка ылайык, эркек кишинин жансыз денеси 30-августта саат 10:12 чамасында табылган. Маркумдун жашы болжол менен 50-55 чамасында. Алгачкы кароо жүргүзүлгөндө денесинде жаракаттар болгон.
Бою 175-180 сантиметр, орточо дене түзүлүштө, чачы кыска, күрөң түстө.
Кийип жүргөн кийимдери: кара футболка, көк жынсы шым. Маркумдун аты “Кенжебек”, “Кеша” экени белгилүү болгон.
Кимде-ким сүрөттөгү жаран тууралуу маалымат билген болсо, төмөндөгү телефон номерлерге байланышып коюуну милиция кызматкерлери жарандардан өтүнөт:
0 (705) 450-553, 0 (553) 102-465, 0(312) 352-605 же 102.
