Баткендин Кадамжай районунда жеңил унаа мектеп окуучусун сүзүп кетти. Бул тууралуу облустук милициядан билдиришти.
Окуя бүгүн, 22-октябрда Орозбеков айыл аймагында болгон. Милициянын маалыматы боюнча, 23 жаштагы тургун Honda Fit унаасы менен Орозбеков көчөсүндө баратканда, жолдун сол жагынан 9 жаштагы бала чуркап чыккан. Натыйжада унаа баланы сүзүп, ал ооруканага жеткирилген.
Учурда аталган факт каттоого алынып, териштирүү иштери жүрүүдө.