Кечээ, 7-майда ИИМдин Күзөт кызматынын кызматкерлери унаада төрөт кабыл алышкан. Бул тууралуу АКИpress агенттигине дарыгер Гүлжан Жалиева билдирген.
Маалыматта айтылгандай, милиция кызматкерлери Сүйүнбек Молдошев, Руслан Жүндүбаев жана Азамат Талантбек уулу төрөй турган аялды төрөт үйүнө жеткирүүгө аракет кылышкан. Бирок жолдо аял көз жарган.
Чүй облустук төрөт үйүнүн кызматкерлери Токмок шаарынан келген кош бойлуу аялга өз убагында жардам көрсөткөнү үчүн милиционерлерген ыраазычылык билдиришкен.
Дарыгер Жалиеванын айтымында, алардын ыкчам иш-аракетинин натыйжасында ден соолугу чың кыз жарык дүйнөгө келди.