Министрлер кабинети минералдык жер семирткичтерди ЕАЭБдин аймагынан тышкары чыгарууга убактылуу тыюу салды. Бул тууралуу Суу ресурстары, айыл чарба жана кайра иштетүү өнөр жай министрлиги билдирди.
Маалыматка ылайык, тыюу салуу 3-марттан тарта 6 ай бою күчүндө болот.
Бул чечим төмөнкү учурларга колдонулбайт:
- Импорттолгон минералдык жер семирткичтердин сапаты талаптарга жооп бербеген учурда аларды кайра артка кайтарууда.
- Министрлер кабинетинин чечими менен берилүүчү эл аралык транзиттик жана гуманитардык жардамдарга.