Баардык медиктердин айлыгы 1-июлдан баштап 40 пайызга көтөрүлөт. Бул тууралуу Саламаттыкты сактоо министри Алымкадыр Бейшеналиев «Биринчи радиого» маек берип жатып айтты.
“Мен министр болордун алдында президентке айткам 4 максат коём ошону аткарам деп. Алардын ичинен биринчилерден болуп медиктердин айлыгын көтөрүү болчу. 1-июлдан баштап баардык медиктердин айлыгын 40 пайызга көтөрүп атабыз. Бул базистик көтөрүү, ошондо Жакшы иштегендер 15-20 миң сомдон ала баштайт”, — деди министр.
