Кыргызстанда дарыгерлер 23 миң 595 сомдон жана орто персонал 19 миң 181 сомдон маяна алат. Бул тууралуу Жогорку Кеңештин Социалдык саясат боюнча комитетинин жыйынында саламаттык сактоо министри Алымкадыр Бейшеналиев билдирди.
Анын айтымында, өкмөт медициналык кызматкерлердин айлыгын көтөрүүнү убадалады. Маселен маянаны 50%га көбөйтүү үчүн өлкө бюджетинен 10 млрд сом керек болот деп эсептелген.
Ошондой эле Бейшеналиев учурда министрлик медициналык мекемелерде оптимизация жүргүзүп жатканын жана андан акча үнөмдөө болуп жатканын билдирди.