Коронавирус инфекциясынын жайылуусу 20 күндөн кийин басаңдайт. Бул тууралуу Саламаттык сактоо министри Алымкадыр Бейшеналиев Reporter.kg’ге бүгүн, 2-ноябрда маек берип жатып билдирди.
Министр парламенттик шайлоонун жыйынтыгына нааразы болгондордун митингинин байма-бай өтүүсү, массалык түрдө элдин чогулуусу илдеттин жайылуусуна алып келгенин белгиледи.
«Учурда вирусту азайта турган бир топ иш-чаралар жүрүп жатат. 15-20 күндөн кийин коронавирустун пик формасы азая баштайт. Ал азайганы менен сасык тумоо башталышы мүмкүн. Ага дагы даярдыктар жүрүүдө», — деди министр.
