Кыргызстанда бир гана майнинг-ферма иштейт. Бул тууралуу брифингде энергетика министри Таалайбек Ибраев билдирди.
Анын айтымында, ал Кыргызстандын электр жарыгын колдонбой, россиялык «Интер РАО» энергетикалык компаниясы Казакстандан жеткирет.
«Кыргызстандагы жалгыз майнинг-ферма электр энергиясын Казакстан аркылуу жеткирген россиялык «Интер РАО» энергетикалык компаниясынан алат», — деди министр.
Белгилей кетсек, Кыргызстанда 5-марттан тарта электр жарыгына чектөө киргизилди. Өчүрүү графигин министрлик сайтта жарыялап турмакчы.
Биздин Телеграм каналга катталыңыз