Санарип өнүгүү министри Талантбек Иманов паспорт мафиясы боюнча жүрүп жаткан иштердин жыйынтыктары менен бөлүштү. Бул тууралуу ал фейсбук баракчасы аркылуу билдирди.
Анын айтымында, Санариптик өнүктүрүү министрлиги УКМК менен биргеликте жок кылынууга тийиш болгон 2020-2021-жылдардагы жараксыз паспорттордун реестрлерин инвентаризациялаган.
Текшерүүнүн жүрүшүндө Өзгөн району боюнча 1667 жарандык паспорт, 2101 жалпы жарандык паспорт жок экени аныкталган.
Кылмыш ишинин алкагында төмөндөгүдөй чара көрүлгөн:
- Санариптик өнүктүрүү министрлиги УКМК кармаган Калкты жана жарандык абалдын актыларды каттоо департаментинин аймактар аралык бөлүмүнүн адиси кызматынан бошотулган;
- Кылмыш иши козголуп, үй камагында отурган Араван районундагы бөлүм башчысын кызматынан бошотулган;
- Департаменттин кызматкерлерине тартиптик жаза жарыяланган.
Буга чейин Жогорку Кеңештин тармактык комитетинде Санарип өнүктүрүү министрлиги боюнча депутаттык комиссия түзүү маселесин көтөрүлгөн.