Өлкөнүн бардык унаа жолдорунда каттамдар ачык. Бул тууралуу Транспорт жана жол министрлиги маалымдады.
Министрликтин маалыматында айтылгандай, учурда жолчулар курулуш жана ондоо иштерин улантууда.
“Казарман-Актал-Чат автожолу Кара-Гөө ашуусу, Балыкчы-Бөкөнбаев-Каракол автожолу Сөөк ашуусунда жолду кенейтүү иштери аткарылууда. Ал эми учурда өлкөдө түзүлгөн абалда иштеп жаткан адистер санитардык нормаларды сактап иш алып барышууда, зарыл болгон медициналык каражаттар менен камсыздалышкан”, – деп жазылат маалыматта.
Транспорт жана жол министри Жанат Бейшенов 20-майдагы парламент жыйынында депутаттардын суроолоруна жооп берип жатып, түндүк-түштүк альтернативдүү жолунда иштеген 500 кытайлык жумушчу Кыргызстанга келе албай жатканын айткан.