Министрлер кабинети кезектеги жыйынында «Форс-мажордук жагдайларга байланыштуу субъекттерди мамлекеттик колдоонун кошумча чаралары жөнүндө» токтомдун долбоорун жактырды. Бул тууралуу Министрлер кабинетинин басма сөз кызматы билдирди.
Маалым болгондой, документ министрлер кабинетинин 2022-жылга карата антикризистик чаралар планын аткаруу максатында иштелип чыккан.
Бул токтом долбоору менен уюмдар жана жеке жактар үчүн документтерди тапшыруу мөөнөтүн 2022-жылдын 1-сентябрына чейин узартуу сунушталат (жазуу жүзүндөгү арыз бербестен):
- салык агенти тарабынан 2022-жылдын 1-январынан 30-майына чейинки отчеттук мезгилдеги кошумча нарк салыгы боюнча салыктык отчеттуулук;
- 2022-жылга карата мүлк салыгы боюнча маалымат эсептөө.