Бишкекте «Мисс Кыргызстан — 2021» сулуулар сынагынын финалы болуп өттү. Ага 31 сулуу катышты.
Калыстардын жыйынтык чыгарып «Мисс Кыргызстан — 2021» наамы 17 жаштагы Алтынай Ботояровага ыйгарылды.
Ботоярова буга чейин «Мини Мисс Кыргызстан – 2014» жана 2020-жылы «Мисс Кыргызстан» сынагына катышып, биринчи вице-мисс наамын алган.
Ага алтын жана күмүш кошулган 5 миң долларлык таажы кийгизилип, 400 миң сомдук сертификат тапшырылды.