Октябрь окуясы боюнча айыпталып, бүгүн акталып чыккан Туран саясий партиясынын лидери Жеңиш Молдокматов журналисттердин «соттун чечими кандайдыр бир сот реформасындагы жылыштан кабар береби»- деген суроосуна жооп төмөндөгүдөй берди.
“Октябрь окуясы боюнча саясий иш болуп жатат. Саясий иш бүттү. Сот өзүнүн адилеттүүлүгү үчүн чечимин чыгарды. Жалпы соттук системада реформа болгон жок. Мен түрмөдө отурганда миңден ашык кишинин жарымынан көбү мыйзамсыз отурат. Жөнөкөй жарандардын тагдыры чечилип, алар акталып чыкканда гана соттук реформа жүрдү деп айта алабыз. Бул кезектеги саясий иштин бүтүшү деп эле атасак болот”- деди.
2020-жылы Октябрь окуясынын уюштуруучусу катары күнөөлөнүп, үй камагына чыгарылган. Сот бүгүн толугу менен актады.