Бир күн мурун Борбордук шайлоо комиссиясынын жыйынында депутаттыкка талапкер Рыскелди Момбековдун жасалма жогорку билими тууралуу диплому бар экени белгилүү болгон.
Улуттук коопсуздук боюнча мамлекеттик комитеттин маалыматы боюнча, документ Момбековго Жусуп Баласагын атындагы Кыргыз Улуттук университетинде берилген, бирок ал эч качан университетте окуган эмес, мындай номердеги диплом кайсы бир Михаил Стародубцевге таандык.
Күч кызматкерлери бул жасалмалоонун негизинде Рыскелди Момбеков Дипломатиялык академиянын Эл аралык мамилелер факультетинин сырттан окуу бөлүмүнө кирип, андан кийин экинчи жогорку билими бар экенин тастыктаган документ алганын белгилешти.
Жыйынтыгында БШК мүчөлөрү КСДПнын өкүлдөрүнө Момбековдун бүгүн боло турган кезектеги жыйынга катышуусун камсыздоону тапшырды.
Өз кезегинде партия бийлик Момбековду куугунтуктап жатат деп эсептейт.
“Бийлик Жогорку Кеңештин тайманбас депутаттарынын бири – Рыскелди Чыныбекович Момбековдун оозунан чыккан ачуу жана катуу, бирок адилет сынына чыдай албай жатат”, — деп билдирди саясий партия.
Партиянын пикиринде, дипломдун капысынан текшерилиши оппозициялык депутатка басым көрсөтүү, анын үгүт иштерин үзгүлтүккө учуратуу аракети экенин белгилешти.