Москвада мигранттар арасында массалык мушташ орун алып, натыйжада 230 адам кармалды. Бул тууралуу орусиялык баылмалар жазышууда.
Маалыматка ылайык, мушташ курулуш жүрүп жаткан жерде чыгып, баш аламандыкка 50дөй адам катышкан. Ал эми мушташты Өзбекстан менен Тажикстандын жарандары баштаган.
Пресненск районундагы милиция бөлүмүнө 170 адам жеткирилген. Алардын 116сы өзбектер, 35и тажиктер, 12си түрк, 4 кыргыз жана 1 белорусь. Ал эми башка бөлүмүнө 60 мигрант жеткирилген. Кармалган 230 адамдын баарына протоколдор толтурулуп, тийиштүү текшерүүлөрдөн өткөрүлгөн.
Учурда мушташтын келип чыгуусу жана себептери тергелип жатканы кабарланат.