Бишкек шаардык мэриясында кадрдык өзгөрүүлөр болду. Бул тууралуу борбор калаа бийлигинин маалымат кызматынан билдиришти.
Бишкек шаарынын мурунку мэри Нариман Түлеев борбор калаанын биринчи вице-мэри болуп дайындалды.
Эске салсак, бул кызматты Алмаз Бакетаев ээлеген, эми ал турак-жай коммуналдык чарба иштери боюнча вице-мэр кызматын ээлейт, ал эми Алимбек Абдылдаев мэрдин кеңешчиси болду.
Тиешелүү буйруктарга шаар башчысы Азиз Суракматов кол койду.