Орозайым Нарматованы Ички иштер министрлигинин 10-башкармалыгы кармаган. Бул туурасында Reporter.kg′ ге ишенимдүү булактар билдиришти.
Азырынча эмне себептен колго түшүргөнү боюнча так маалыматтар чыга элек.
Нарматованы Ош аэропортунан бүгүн таңга жуук кармалганын “Бүтүн Кыргызстан” партиясы тастыктаган. Буга чейин Ош милициясы бул айымды кармабаганын билдирген болчу.
Маалыматтарга караганда, ал Ошко келгенине бир канча күн болгон. Орозайым Нарматова Орусияда иштеген эмгек мигранты. 2020-жылы өткөн парламенттик шайлоодо «Бүтүн Кыргызстан» партиясынын алдыңкы ондук тизмеси менен шайлоого аттанган болчу.