Нарын облустук милициясынын эки кызматкери универсалдуу мушташ боюнча Азия чемпионатында жеңүүчү болду. Бул тууралуу облустук милициядан билдиришти.
Мелдеш 11-17-август күндөрү Чолпон-Ата шаарында өткөн.
«Чемпионатта милиция кызматкерлери бир катар өлкөдөн келген мушкерлер менен күч сынашкан. Милиция кызматкерлери жумушта гана эмес, спорт жаатында дагы ийгиликтерге жетишти», — деп билдирет облустук милиция.
65 кг салмакта Атайын операциялар отрядынын кенже ыкчам өкүл жоокери Тенти уулу Сыймык жана 80 кг салмакта Нарын райондук милициянын аймактык ыйгарымдуу өкүлү Нурбек Айдаров 1-орунду орунду ээлеген.
70 кг салмакта атайын операциялар отрядынын ыкчам өкүл жоокери Аскер Үсөнбаев жана 75 кг салмакта Нарын облустук милициянын КККнын өзүнчө ротасынын милиционери Мирбек Айдаров 3-орунга татыган.
Биздин Телеграм каналга катталыңыз