Нарын облусунда балдарды кургак учукка каршы массалык текшерүү иштери жүргүзүлдү. Социалдык жактан аялуу үй-бүлөлөрдөн 3825 баланы жана мигранттардын балдары текшерилди. Бул тууралуу USAID билдирди.
Маалыматка ылайык, 4 жаштан 12 жашка чейинки балдар текшерүүдөн өткөн. 174 балага Манту сынамасы оң жыйынтык көрсөткөн. Андан соң кошумча рентгендик изилдөөлөр жүргүзүлүп, 7 балада кургак учук аныкталган.
USAIDдин маалыматы боюнча, алар учурда Бишкектеги Улуттук фтизиатрия борборунда дарыланууда. Тогуз бала профилактикалык химиотерапия алды. Мындан тышкары кургак учукка да текшериле турган байланыштагы адамдар аныкталды.