Нарын шаарында өспүрүмдөр арасында бокс боюнча ачык биринчилик өттү. Бул тууралуу облустук милициядан билдиришти.
Маалыматка караганда, мелдеш 1-ноябрь кыргыз милициясынын 99 жылдыгына карата Нарын шаардык милициянын башчысы Тынчтык Аалиевдин демилгеси жана демөөрчүлүгү менен 4-5-ноябрь күндөрү өткөн.
Бокс боюнча биринчиликке Нарын шаарынан, Ат-Башы жана Нарын райондорунан келген 2009-2012-жылы туулган 110 бала катышып, 6 салмак боюнча күч сынашкан.
Мелдештин жыйынтыгы менен байгелүү орун алган спортчу балдарга медаль-сыйлыктар тапшырылган
«Спорт адамдын ден соолугун чыңдайт, сергек жашоого, денени чымыр алып жүрүүгө тарбиялайт. Бул ачык биринчиликке катышкан балдарыбыз келечекте Кыргызстандын желегин желбиреткен мыкты спортчу болушуна тилектешпиз», — деп билдирет облустук милиция.
Биздин Телеграм каналга катталыңыз