Фильм жана сериалдарды тартуучу Америкалык компания Netflix дүйнө элдеринин улуттук оюндары тууралуу бир нече сериядан турган документалдык берүүлөрдү тартты. Анын алкагында көк бөрү оюну тууралуу да берүү даярдаган.
26-июнда аталган тасманын бет ачары болуп, Netflix компаниясынын сайтына жайгаштырылды.
Фильмдин Кыргызстандын аймагында тартылуусуна Жаштар иштери, дене тарбия жана спорт агенттиги көмөк көрсөткөн.
Netflix компаниясы кантип көк бөрү тууралуу берүү даярдап калганы жана тасма тартуу иштери кандай жүргөндүгү тууралуу агенттиктин ошол убактагы басма сөз кызматынын жетекчиси Нурдин Султамбаев айтып берди.
