Ош облусунун Ноокат районунда коронавирустан 80 жаштагы дагы бир бейтап каза болду. Бул тууралуу Саламаттык сактоо министрлигинен кабарлашты.
Министрликтин маалыматына ылайык, 4-апрель күнү каза болгон.
«Улгайган адам коронавирусту чет өлкөдөн жуктуруп келип, дарыланып жаткан. Абалы оорлоп, жүрөгү кармап каза болгон», — деп айтылат маалыматта.
Ушуну менен өлкөдө коронавирус адам өмүрүн алган экинчи учур катталды. 2-апрель күнү ушул эле Ноокаттын ооруканасында жаткан 61 жаштагы бейтап көз жумган.
Жалпысынан Кыргызстанда коронавирус илдети 147 адамга жуккан. Алардын 9у оорудан айыккан. Вирус жуктуруп алгандардын 9у дарыгерлер.