Ноокен райондук ички иштер бөлүмүнүн начальниги болуп милициянын подполковниги Алтынбек Мусаев дайындалды. Бул тууралуу Жалал-Абад ОИИБнин басма сөз кызматынан билдиришти.
Ноокен райондук ички иштер бөлүмүнө жаңы жетекчи болуп Мусаев Алтынбек Бакытбекович дайындалган. Кырк жаштагы Мусаевдин наамы подполковник.
Ал Сузак районунда төрөлгөн. 2002-жылы Кыргыз Республикасынын ИИМинин академиясын аяктап, ички иштер органдарында оперативдик кызматтарда иштеген. Алтынбек Мусаев буга чейин Ноокен РИИБинин жетекчисинин орун басары болуп эмгектенип келген.