Орус жазуучусу, сатирик жана драматург Александр Курляндский 21-декабрда 82 жаш курагында көз жумду. Бул тууралуу «Эхо Москвы» радиостанциясы анын жакындарына шилтеме берүү менен билдирди.
Курляндскийдин өлүмүнүн себеби азырынча белгисиз.
Курляндский «Ну Погоди!» анимациялык сериясынын жаратуучуларынын бири катары белгилүү. Жалпысынан ал «Кеши тоту куштун жаңы укмуштуу окуялары», «Баба Яга каршы!» сыяктуу ондон ашык долбоордун сценаристи . Мындан тышкары, Курляндский күлкүлүү окуялардын автору болгон. Алардын бешөө «Ералаш» балдар кинохроникасына киргизилген.
Курляндский 1938-жылы байланыш инженери Ефим Курляндскийдин жана байланыш техниги Елена Курляндскаянын үй-бүлөсүндө туулган. Согуш жылдарында үй-бүлө Свердловскиде жашаган. 1964-жылдан бери жазуучу адабият менен алектенет. 1970 жана 1977-жылдары эң мыкты сатиралык жана юмордук чыгармалар, ошондой эле сүрөт жана мультфильмдер үчүн берилген «Алтын музоо» адабий сыйлыгын алган. 2007-жылы жасаган эмгеги үчүн Орусиянын Эмгек сиңирген артисти наамын алган. Ошондой эле ал СССРдин Мамлекеттик сыйлыгынын лауреаты болчу.