Жеңиштин 75 жылдыгына арналган “Аталардын эрдиктерин даңктайбыз” аттуу онлайн фестивалга мектеп окуучуларынан 12 миң видео келип түштү. Анын 8 миң 818и көркөм окуу багытында, 3 миң 181и обондуу ырлар категориясына жолдонгон. Бул тууралуу Билим берүү жана илим министрлигинин маалымат кызматынан билдиришти.
Калыстар тобунун чечими менен 1 миң 590 баланын обондуу ырлары сынактын талаптарына жооп берет деп кароого алынды. Жыйынтыгында жеңүүчүлөр катышуучулардын жаш курагына жараша 3 категорияда аныкталды. 90 окуучу лауреат, 386сы дипломант деп табылды.
Ал эми көркөм окуу жаатында 4 миң 283 баланын эмегеги сынактын талаптарына жооп берет деп кароого алынды. Жыйынтыгында жеңүүчүлөр катышуучулардын жаш курагына жараша 4 категорияда аныкталды. 90 окуучу лауреат, 386сы дипломант деп табылды. Сынактын жыйынтыгы боюнча “Көркөм окуу” сынагында 178 катышуучу I, II, III даражадагы дипломдорго жана «Лауреат» наамына ээ болушту. Ал эми 2 миң 566 катышуучу “Дипломант” наамына ээ болушту.
Сынакта байгелүү орундарды алгандар смартфон, китеп сатып алуу үчүн 2000 сомдук сертификат жана блютуз наушниктер менен сыйланат.
Жеңүүчүлөрдүн тизмесинин шилтемеси.