Кыргызстандык спортчулар Париждеги Олимпиада оюндарында бүгүнкү күнгө карата 4 медаль утту, алардын бирөө күмүш, үчөө коло.
Кыргызстандын куржунундагы медалдарды күрөштөн балбандар алып берди. Күмүштү Мээрим Жуманазарова, колону Жоламан Шаршенбеков, Акжол Махмудов жана Үзүр Жусупбеков утту.
Учурда Кыргызстан медалдардын саны боюнча 200дөн ашык өлкөнүн ичинен 58-орунда Түркия менен катарлаш турат. Азыркы тапта мелдешке катышып жаткан мамлекеттердин ичинен 72си гана байге утту.
Алдыңкы үчтүктө АКШ, Кытай жана Австралия турат.
- АКШ 94 медаль (27 алтын, 35 күмүш жана 32 коло),
- Кытай 65 медаль (25 алтын, 23 күмүш жана 17 коло),
- Австралия 42 медаль (18 алтын, 13 күмүш жана 11 коло).