Балбан кыз Мээрим Жуманазарова Олимпиада оюндарынын жарым финалына чыкты.
Жуманазарова 68 кг салмакта күрөшүүдө. Ал таймашты 1/8 финалдан баштап, биринчи беттешинде монголиялык Делгермаа Энхсайханды 8:3 эсебинде утту.
Ал эми чейрек финалда ал япониялык Нонока Озаки менен күч сынашты. Беттештин биринчи бөлүгүндө Жуманазарова 6:0 эсебинде алдыга чыкты. Бирок экинчи бөлүктө Озаки аны кууп жетип, эсепти 6:6 кылды. Япониялык балбан кыз артыкчылык упай менен алдыга чыкты. Ошентсе да Жуманазарова моюн сунуп калбай, беттештин аяктарына 10 секунда калганда атаандашынын аркасына өтүп, 2 упай алды. Ошентип Жуманазарова беттештин соңку секунддарында атаандашынан жеңишти сууруп кетти.