Кыргызстандык мушкерлер Париждеги Олимпиада оюндарына лицензия ойнотулган бокс боюнча мелдешке катышат. Бул тууралуу Дене тарбия жана спорт департаментинен билдиришти.
Мелдеш Таиланддын Бангкок шаарында өтүп, 23-майда башталат. Ага Кыргызстандан 6 мушкер барат.
Белгилей кетсек, бул турнирде боксчуларга Париждеги Олимпиадага лицензия алууга соңку мүмкүнчүлүк берилет. Кыргызстандык мушкерлер азырынча жолдомо ала элек.
Курама команданын тизмеси:
- Анвар Хожаев — 51 кг;
- Мунарбек Сейитбек уулу — 57 кг ;
- Асхат Култаев — 63,5 кг;
- Нурадин Рустамбек уулу — 71 кг;
- Өмүрбек Бекжигит уулу — 80 кг;
- Эркин Адыл уулу — 92 кг ;
Башкы машыктыруучу — Төлөгөн Данияр уулу;
Улук машыктыруучу — Улан Сагынбаев;
Машыктыруучу — Беганас Султанбаев.