Бүгүн, 27-январда Ооганстандын Газни провинциясында жүргүнчү ташуучу учак кулап түштү. Бул тууралуу РИА новости басылмасы жазып чыкты.
Маалыматка ылайык, учактын бортунда 83 адам болгон. Азырынча жабыркагандар же каза тапкандар тууралуу маалымат жок. Учурда кырсыктын кесепеттери такталууда.
Белгилей кетсек, Газни провинциясы талиптер көзөмөлдөгөн аймак экендиги айтылып келет.