Ушул жылдын 20-майында Оренбург-Бишкек маршруту боюнча чартердик каттам уюштуруу маселеси иштелип чыкты. Бул тууралуу Тышкы иштер министрлиги билдирди.
Бул рейс менен кош бойлуу аялдар, кары-картаңдар, жаш балдары бар ата-энелер жана Орусияга дарыланыш үчүн баргандар келет.
Алар Кыргызстанга келгенден кийин белгиленген тартипте бардык медициналык процедуралардан өтүү үчүн обсервацияга жайгаштырылат.
«Чет өлкөлөрдө, анын ичинде Орусияда жүргөн Кыргызстандын жарандарын мекенге алып келүү боюнча иштер туруктуу негизде улантылат», — деп маалымдалды министрликтен.