Бишкек шаарынын коменданты Алмаз Орозалиев онлайн брифингде шаар тургундарын бир апта сыртка чыкпоого чакырды.
“Урматтуу шаар тургундары, жакынкы бир-эки күндө коронавирусун жуктуруп алган алгачкы оорулуулар менен байланышта болгондордо инкубациялык мезгили аяктайт. Ошондуктан алдыдагы 7 күн бою үйдө калып, сыртка чыкпоого суранабыз”, — деп чакырды Алмаз Орозалиев.
Белгилей кетсек, оорунун биринчи белгисинин пайда болушуна чейин өтө турган убакыт — 14-21 күн, Кыргызстанда алгачкы учур 18-мартта катталган.
