Бишкек шаарынын мэриясы башаламан соода менен күрөштү улантууда.
Муниципалитеттен билдиришкендей, бул жолу Октябрь акимчилигинин кызматкерлери ӨКМдин башкармалыгы менен биргеликте Юнусалиев көчөсү менен Сүйөркулов көчөсүндөгү Орто-Сай базарынын айланасында рейд жүргүзүп, 40 башаламан соода түйүнүн жойду.
Көчө соодасынын зыяндуулугу жана алдын алуу боюнча ишкерлерге жана өрт коопсуздугун чыңдоо боюнча түшүндүрүү иштери жүргүзүлдү.
Рейд Орто-Сай базарында, Ынтымак-2 эс алуу багында, Көк-Жар кичирайонунда жана Сүйөркулов, Юнусалиев көчөлөрүндө өткөрүлдү.