Орусиянын жарандыгын алгандан кийин аскердик каттоого турбаган мигранттар аныкталууда. Бул тууралуу Орусиянын Тергөө комитетинин төрагасы Александр Бастрыкин билдирди.
Анын айтымында, бул иш чара башталгандан кийин мигранттар мекенине кайтып кете башташты.
«Жарандык алып, бирок аскердик каттоого турбаган 30 миң мигрантты аныктадык. Алардын 10 миңи атайын операция жүрүп жаткан жерге жөнөтүлдү. Окоп казганга жумушчу күчү керек. Алар ооруктагы бөлүктөрдү толуктап жатышат», — дейт ал.